Erbo-au-cantaire(-à-fueio-de-Tanarido)
Descurainia tanacetifolia
Brassicaceae Cruciferae
Nom en français : Vélar à feuilles de tanaisie.
Descripcioun :Es uno grando erbo que flouris l'estiéu en mountagno dins li relarg umide e sus sòu séusous. Fai un pau pensa à la tanarido emé si gràndi fueio divisado e si flour jauno, pamens èi de la famiho dóu rais-fort (Brassicaceae) e pas aquelo de la margarido.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Descurainia
Famiho : Brassicaceae
Famiho classico : Cruciferae
Ordre : Brassicales
Coulour de la flour :
Jauno
Petalo : 4
Ø (o loungour) flour : 4 à 7 mm
Flourido :
Estiéu
Sòu : Si
Autour basso e auto : 1200 à 2600 m
Aparado : Noun
Juliet à avoust
Liò : Limas de ribiero
- Prado umido
- Esboudèu
- Prado à rousèu
Estànci : Subaupen
Couroulougi : Ouroufito-Ouèst-Éuroupenco
Ref. sc. : Descurainia tanacetifolia (L.) Prantl, 1892
(= Sisymbrium tanacetifolium L., 1753 = Hugueninia tanacetifolia (L.) Rchb., 1832 )
Ravanello
Raphanus raphanistrum subsp. landra
Brassicaceae Cruciferae
Àutri noum : Ravanasso, Ravaniscle, Rafanello, Ravanet.
Noms en français : Radis maritime, Radis sauvage.
Descripcioun :La ravanello èi lou cousin fèr di rais-fort. Trachis dins lis ermas, en ribo de camin e peréu proche de la mar. Se recounèis à si petalo que s'estrechon (à ounglet), si fueio pelouso coumpausado de 2 à 8 paréu de tros prefound e subretout à si fru acaba emé un bè, ço que lou destrìo dóu gènre proche Brassica. Coumpara emé la subsp. raphanistrum que ié sèmblo.
Usanço :Tout èi manjadis dins la ravanello. Li flour e li jóuini fueio en ensalado, li fueio mai vièio (mai pas trop que pièi soun amaro), cuecho, li jóuini fru peréu. Se fai uno meno de moustardo emé li grano que se manjon peréu greia.
Port : Grando erbo
Taio : 15 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Raphanus
Famiho : Brassicaceae
Famiho classico : Cruciferae
Ordre : Brassicales
Coulour de la flour :
Jauno
Petalo : 4
Ø (o loungour) flour : 1 à 1,5 cm
Flourido : Printèms
- Estiéu
Sòu : Ca
Autour basso e auto : 0 à 600 m
Aparado : Noun
Remarco : Planto de coustiero
Mai à setèmbre
Liò : Ribiero
- Mar
- Champ
- Camin
Estànci : Termoumediterran à Mesoumediterran
Couroulougi : Mediterrano-atlantico
Ref. sc. : Raphanus raphanistrum subsp. landra (Moretti ex DC.) Bonnier & Layens, 1894
